Euskal Babarrunak

Eusko Labeldun babarrunak kalitate handiko babarrunak dira, hautatutako barietateen parte dira eta dastatzaile profesionalek "oso onak" edo "apartak" bezala sailkatu eta aukeratu dituzte. Eusko Label-ek bi babarrun mota babesten ditu: Arabako Babarrun Pintoa eta Tolosako Babarruna. Bere zaporeangatik ezagunak, modu tradizionalean ekoiztuak eta tamaina eta koloreagatik modu zorrotzean hautatuak dira eta honek, kontsumitzaileari produktu homogeneo bat eskaintzea ahalbidetzen du. Mota bakoitzak bere ezaugarri bereziak ditu eta Araudi Tekniko Espezifikoan jasoak daude.

Honela ezagutzen da

Eusko Labeldun babarrunak prestatuak edo aleka komertzializatu daitezke baina ez solteko salgai bezala. Kalitateak aurrez onartutako pisu ezberdinetako ontzietan aurkezten dira eta  Eusko Label-eko ikurra duten zenbakidun kontrol-etiketa dute itsatsia. Honek, bere kalitate eta jatorrizko ezaugarriak  ziurtatzen dizkio kontsumitzaileari.