Euskal Baserriko Arrautza

Euskal Baserriko Arrautza gure baserrietan hazitako oiloen arrautzak dira. Gure baserritarrek  kanpoan aske hazten dituzte oiloak, ongizate baldintza ezin hobeetan.  Oiloak aske bizi dira eta beraien elikadura zerealetan oinarritzen da, %50 baino gehiago artoa delarik.

Ezaugarri hauek guztiak, kalitate kontrolari eta ondo egituratutako banaketari esker, arrautza fresko, osasungarri eta naturalak lortzen dira, zapore paregabea eta goi-mailako elikadura-ezaugarriekin.

Honela ezagutzen da

Produktu hau zigilu aldaezinarekin eta ondo itxitako ontzietan aurkezten da. Ontziek Euskal Baserriko Arrautzen logotipoa dute, Eusko Label bereizgarriarekin, produktuaren egiazkotasuna bermatzeko. 6 eta 10 unitateko arrautza kutxatan aurkitzen dira.