Getariako Txakolina

Getariako Txakolina Gipuzkoan egiten den ardo gaztea da. Bi mahats motarekin egiten da: Hondarribi Zuri, ekoizpenaren %80-90a dena, eta Hondarribi Beltza, gainontzeko %10-15a.

Kolore hori argikoa eta fruta usaina duen ardo zuria da, gaztea eta fruta-gustukoa, batez beste 10,5 gradu eta bere nortasunaren parte den garraztasun-puntua dituen ardoa.

Fresko zerbitzatu behar da eta komenigarria da edalontzian apurtzea, horrela, orratz karboniko txikiekin batera bere lurrin-sorta guztia askatzen du eta.

Honela ezagutzen da

Getariako Txakolina Jatorrizko deitura duen txakolina,  Rhin motako botilatan merkaturatzen da eta berme-zigilu  zenbakitu  bat darama, kapsularen azpian uztaren urtea zehaztuz. Getariako Txakolinaren Kontseilu Arautzaileak ezarritako kontrol guztiak gainditu dituztenek soilik daramate zigilu hau.